20.03.2017. / 10:37h Ljepota i Zdravlje - Razgibavanjem eliminišite tenzije

Oslobodite se napetosti

Oslobodite se napetosti
Ubrzan način života, kao i dugotrajno sjedenje mogu da uzrokuju napetost i bolove u leđima i ramenom pojasu. Za one koji ne postižu da obave sve obaveze na vrijeme ova vrsta napetosti rezultat je stresa. S druge strane, dugotrajno sjedenje konstantno opterećuje istu grupu mišića i zbog toga nastaje bol.

U oba slučaja mogu da pomognu vježbe koje bi trebalo da se praktikuju ujutru.
 
Riječ je o jednostavnom razgibavanju opuštenih mišića leđa i ramena, koje podstiču cirkulaciju i na taj način eliminišu tenziju.

Podizanje ruku iznad glave
 
Ukrstite ruke ispred tijela i polako ih podignite iznad glave. Uz izdah ih lagano spustite u početni položaj. Ovu vježbu ponovite najmanje 10 puta. Postepeno povećavajte zamah rukama.

Istezanje
 
Prepletite prste iznad glave, okrenite dlanove prema gore i istegnite ruke što više možete. Ostanite u tom položaju dok izbrojite do deset. Opustite se pet sekundi. Spojite dlanove iza leđa i istegnite ih unazad što više možete. Ostanite u tom položaju dok izbrojite do deset. Opustite se pet sekundi, pa uradite vježbu iz početka. Ponovite nekoliko puta.

Kruženje
 
Snažno podižite ramena prema ušima, a zatim ih naglo opustite. Ponovite to 10 puta. Zatim, opustite ruke pored tijela i zamahnite dok ne napravite cijeli krug. Ponovite to isto opet praveći krug u suprotnu stranu. Napravite nekoliko krugova u jednu i drugu stranu.

Rotiranje ramena
 
Uhvatite se šakama za ramena. Lagano kružite laktovima u smjeru kazaljke na satu. Uradite pet krugova, pa promijenite smjer okretanja. Ponovite to pet puta.

Zatezanje nadlaktice
 
Jednu ruku podignite i spustite iza glave, tako da lakat bude na potiljku. Lagano ga drugom rukom privlačite ka suprotnom ramenu dok ne osjetite zatezanje. Zadržite se u položaju dok izbrojite do deset. Ponovite, naizmjenično sa svakom rukom, po tri puta.

Opuštanje
 
Ruke opustite pored tIJela i njišite ih napred-nazad. Ponavljajte vJežbu dok se sasvim ne opustite. U nastavku, "protresite" ruke a zatim dok duboko udišete podignite ih iznad glave i spojite dlanove. Vratite ruke u početni položaj kroz izdah. Ponovite to nekoliko puta.
 
(Vijesti.ba / Novosti)

 


Komentari - Ukupno 0

NAPOMENA - Portal Vijesti.ba zadržava pravo da obriše neprimjereni dio ili cijeli komentar bez najave i objašnjenja. Mišljenja iznešena u komentarima nisu stavovi redakcije web portala Vijesti.ba!